ELGARREKIN Philippe ARAMENDI
ELGARREKIN TALDEAREN GUTUNA
Ingurumen desberdinetarik etorri askotariko jendez osatua, baina balore partekatuen inguruan bildurik egoteak ematen dio aberastasuna taldeari.
Humanistak gara eta elkartasun, zuzentasun, partekatze, gardentasun eta justizia gehiago nahi dugu Herriko Etxeak hartu neurrietan.
Jendeekin eta naturarekin errespetuzkoa eta gure etorkizuna begiratuko duen ingurumena apailatu nahi dugu.
Baserri-ekonomia parte-hartzaileari lehentasuna eman nahi diogu, hots, arrazoitu, bio, baserritar eta elkartasunezko laborantza bati buruz doana.
Beti errespetatuko dugu Herriko finantzen oreka orokorra.
Menean hartua den hirigintza bat nahi dugu, legeak eta gure engaiamenduak errespetatuko dituena. Erran nahi baita, biztanle eta bizitegien hazte-helburua duten zenbakiak apalarazi nahi ditugula, eta lurraldearen pipiatzea geldiarazi.
Dauden etxebizitzen zaharberritzea erraztu nahi dugu eta etxebizitza kolektiboei lehentasuna eman gune urbanizatuan.
Errezibitze-, partekatze- eta elkartasun-baloreei atxikiak gatzaizkie.
Ahal bezain demokratikoa den funtzionatzeko eta erabakitzeko moldeak nahi ditugu, Herriko Etxearen politika zuzentasunaren ildoan ezartzeko. Gure programa apailatzeko eginen ditugun herritar-kontsultena izanen da herriaren kudeaketan egin nahi dugun errotikako aldaketaren lehen urratsa.
Euskal Herriko baloreak partekatzen ditugu, haren Hizkuntza eta Kultura. Atxikiak gatzaizkie eta haien berme jartzen gara.
Hautetsiei, denen onerako engaiamendu politikoan, zintzotasuna eta gardentasuna eskatzen diegu fermuki.
Euskal Herria, zenbait urte honetan, Bake prozesuan engaiatua da ; honekin lotura duten egintza guziak sustengatzen ditugu.
NOR GAREN
Badu urte luze bat ELGARREKIN desmartxa herritar eta parte-hartzailea abiatu zela.
Ingurumen desberdinetarik heldu jendeek gure herriaren oraingo egoeraz eta haren bilakaeraz nahi ukan dute gogoetatu.
Taldea azkartuz joan da elkartekide berriek balore-gutunarekin bat egin arau.
ELGARREKIN elkarteak eztabaida-bilkurak antolatu ditu, urruñarrek beren herriaren geroaz dituzten igurikatzeak biltzeko xedearekin. Hiru gairen ingurukoak izan dira:
- Nola burutu trantsizio ekologikoa elikaduran eta energian.
- Elkarbizitza egituratu herri solidario eta sozialago batean.
- Nola biziarazi hiribarnea sozial eta ekonomia arloetan.
Kontsulta aldi horretan Urruñarrek egin eskaerak aditu ondotik, ELGARREKIN elkarteak deliberatu du zerrenda bat osatu eta 2020ko martxoaren 15ean eta ekainaren 28an eginen diren herriko bozetan parte hartzea. Zerrendaburu izendatua izan da :
Philippe ARAMENDI
51 urte ditu, hiru haurren aita da, eta abokatu lanbidez. Herriko Kontseiluko hautetsi da azken 12 urte honetan eta Euskal Elkargoko hautetsi ere bada 2017ko urtarrilaren lehenaz geroztik.
Elgarrekin zerrenda
Artikuluak eta Oharrak
Bilkura publikoa
